ЗГХЭГ-ын дарга Н.Учрал өнөөдөр /2025.02.21/ өөрийн цахим хуудаснаа "1XBET-ээр дамжин 1 орчим их наяд төгрөг ямар нэгэн татвар, шалтгалтгүй гадагшаа урсжээ. Олон айлын амьдралыг үрэн таран хийж буй “зөвшөөрөлгүй” цахим мөрийтэй тоглоомыг шалгах ажлын хэсэг байгууллаа" гэжээ.
Ташрамд дурдахад, УИХ-ын гишүүн П.Сайнзориг хоёрдугаар сарын 10-нд ирэх хаврын чуулганаар бизнесийг дэмжих эрх зүйн орчныг бүрдүүлэх зорилгоор хэд хэдэн хуулийн төслийг өргөн барихаар ажиллаж байгаа талаар мэдээлсэн. Тэрбээр "1XBET зэрэг МУ-д бүртгэлгүй, татвар төлдөггүй үйл ажиллагааг хориглох, хязгаарлах хуулийн төслийг боловсруулж байна. Мөн арилжаа дампуурлын хуулиудыг боловсруулж ажиллая гэсэн бодолтой байна. Мөн УИХ-ын даргын захирамжаар байгуулагдсан иргэний хууль тогтоомжийг сайжруулах, Үндсэн хуулийн хууль тогтоомжийг боловсронгуй болгох зэрэг ажлын хэсгүүдийнхээ ажилд төвлөрч ажиллана" гэдгийг онцолсон юм.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!