Гурван сая ам.долларын шагналын сантай "PUBG Mobile Global Championship 2024" тэмцээн Малайзын Куала Лумпур хотод үргэлжилж байна. Манай улсаас "Falcons Force", "IHC Esports" багууд оролцсноос "Falcons Force" 168 оноотойгоор тавдугаар байр эзэлж, финалд шалгарахын төлөө Survival Stage-д тоглохоор боллоо. Харин IHC Esports 106 оноотой 12-р байр эзэлснээр тэмцээнээ дуусгасан байна. Залуучуудыг ихээр сонирхох болсон И спортоор манай улсын баг тамирчид дэлхийн хэмжээнд өрсөлдөж байгаа нь дараа дараагийн үеийн залуучуудад ихээхэн давуу талыг бий болгож байна.