Парисын зуны наадмын үеэр цахим ертөнцөд алдартай болсон БНСУ-ын буудлагын спортын олимпын мөнгөн медальт Ким Е Жи орон нутгийн урлагийн агентлагтай гэрээ байгуулжээ.Тэрээр Парисын олимпын эмэгтэйчүүдийн 10 метрийн хийн гар бууны төрөлд мөнгөн медаль хүртсэн билээ. “Plfil” агентлаг сошиал ертөнцөд шуугиан тарьсан 31 настай мэргэн бууч бүсгүйг төлөөлөх болсноо даваа гарагт мэдэгдсэн байна.
Тавдугаар сард Бакуд болсон Дэлхийн цомын тэмцээний үеэр Ким 25 метрийн гар бууны төрөлд дэлхийн дээд амжилтыг эвдэж байгаа бичлэг олимпын медаль хүртсэнийх нь дараа цахим ертөнцөд тарсан. Ким буудлагын спортыг сурталчилж, таниулахын тулд кино эсвэл олон ангит кинонд тоглож магадгүй гэж тус агентлаг мэдээлжээ.
Эх сурвалж: Itoim.mn
