Шведийн Гётенбург хотод болсон Мастеруудын ДАШТ-д 90 настай, дэлхийн рекорд эзэмшигч Ц.Раднаа эх орноо төлөөлөн оролцсон билээ. МУГТ Ц.Раднаа нь 90-95 насны ангиллын 100 метр, 800 метрт тус тус түрүүлж, ХОС АЛТАН МЕДАЛЬ хүртсэн. Тэгвэл өчигдөр 200 метрийн зайд уралдаж түрүүлснээр гурав дахь алтан медалиа хүртлээ. Энэ удаагийн мастеруудын дэлхийн аварга шалгаруулах тэмцээнд 111 улсын 8000 гаруй тамирчин оролцож байна.
