Хянан шалгах Түр хорооноос зарласан нүүрсний хоёр дахь шатны сонсгол үргэлжилж буй. Өчигдөр Чалко болон бусад компаниудитай байгуулсан гэрээнүүдийн талаар мэдээллийг сонссон билээ. Энэ үеэр сонгуультай холбоотой болон зарим гэрээ хэлцлийн цаана улс төрийн ньюанстай зүйлс өрнөж байсан талаар зарим гэрчүүдийн зүгээс өгсөн. Үүнтэй холбогдуулан Ерөнхий сайд асан С.Баяр дараах байр суурийг илэрхийлжээ.
Тэрбээр "Нүүрсний сонсгол, Чалко гэрээ гм сонсож суув. Уг нь чухал чухал баримт цуглуулж. Даанч дуудагдсан чухал улсын зарим нь ирсэнгүй. Надад, бидэнд буруу юм их байж. 2008 оны сонгуульд АН 1 сая гэхэд нь, хариуд нь бид 1,5 сая гэсэн. Өөр яах юм гэж тэр үед зад зүтгэсэн маань үнэн. Сонгуулиар өнгө мөнгө амлахгүй гэж олны өмнө Эбитэй гар атгалцсан нь ч бас үнэн. Гэхдээ "тэд эхэлж, бид хариу барьсан" энтр гэж өөрийгөө одоо зөвтгөх юм алга. Миний, бид бүгдийн буруу байж. Уучилна уу. Ирэх сонгуульд өнгө мөнгөөр биш, зөв бодлого шийдлээрээ өрсөлдөөрэй, залуус аа" гэв.
