УИХ-ын чуулганы хуралдаан үргэлжилж байна. Хуралдааны эхэнд УИХ-ын дарга хүүхэд хамгааллын асуудлаар үг хэлж, хууль тогтоомжийг чангатгах шаардлагатайг онцолсон. Үүнтэй холбогдуулан УИХ-ын гишүүн Ц.Даваасүрэн үг хэллээ.
Тэрбээр "Хариуцлагагүй байдал бидэнд өөрсдөд нь байна. Бид хариуцлагагүй байснаас болж асуудлууд үүсэж байна. Асуудал үүссэн хойно хэлэлцүүлэг, сонсгол хийнэ гэх юм. УИХ-ын дарга хүүхдийн асуудлыг ярьж байна. Энэ зүйлийг өмнө нь ярьж байх нь яасан юм бэ. УИХ-ын даргаа шүүмжлэл сонсож сур. Чи хоёр удаа УИХ-ын дарга хийгээд үг сонсохоо байсан байна. Чамд би хэлэхгүй бол хэн хэлэх юм бэ. Хариуцлагагүй байдлаа өөрөөсөө эхэлж зас" гэв.
