АНУ-ын Ерөнхийлөгч Жо Байдены гэрийн хаягийг заасан дансанд Хятадаас мөнгө шилжүүлсэн тухай АНУ-ын Төлөөлөгчдийн танхимын тэргүүн Кевин Маккарти нийгмийн сүлжээнд бичжээ.

Төлөөлөгчдийн танхмын хяналтын хороо Ерөнхийлөгчийн хүү Хантер Байдены нэр дээр Хятадаас хоёр удаа нийтдээ 260 мянган доллар шилжүүлсэн болохыг олж тогтоожээ. Мөнгө шилжсэн цаг хугацаа нь Жо Байден сонгуульд нэрээ дэвшүүлж байсан үетэй таарч байгаа юм.

“Импичментийн хүрээнд явуулж байгаа мөрдөн байцаалт бүхнийг илчилнэ” хэмээн Төлөөлөгчдийн танхимын тэргүүн тодотголоо. Есдүгээр сард Кевин Маккарти Ерөнхийлөгч Жо Байденыг хугацаанаас нь өмнө огцруулах мөрдөн байцаалт эхлүүлсэн юм.