УИХ-ын дарга Г.Занданшатар өнгөрсөн жилийн намар Төрийн ордны хамгаалалтын албаны удирдлагуудтай уулзах үеэрээ ордны хойд талд байрлах цэцэрлэгт хүрээлэнг олон нийтэд нээлттэй болгох үүрэг өгсөн билээ. Чиглэлийн дагуу УИХ-ын тогтоол гарч, 1.3 га талбайтай цэцэрлэгт хүрээлэнг хамгаалалтын бүсээс чөлөөлж, нийтэд нээлттэй болгохоор шийдвэрлэсэн юм.

Улмаар уг тогтоол хэрэгжиж, цэцэрлэгт хүрээлэнг тойрсон төмөр хашааг өнгөрсөн амралтын өдрөөр нурааж Төрийн ордны хойд талын цэцэрлэгт хүрээлэнг нийтийн эзэмшлийнх болгожээ.