Өнгөрсөн долоо хоногийн амралтын өдрүүдэд Нидерланд улсын өмнөд бүсийн Тилбург хотод улаан толгойтнуудын жил тутмын наадам амжилттай зохион байгуулагдаж, олон мянган хүн цугларсан байна.

Зохион байгуулагчдын мэдээлснээр уг наадамд янз бүрийн улсаас 5,000 орчим хүн оролцож, өвөрмөц үсээ хэрхэн арчлах, будах арга техникт суралцаж, хоорондоо танилцацгаан туршлагаа хуваалцсан гэнэ.

Дэлхийн хүн амын 1-2 хувь улаан үстэй төрдөг байна. Хойд болон баруун хойд Европын орнуудад тэдний нягтрал илүү өндөр буюу 2-6 хувийн хооронд хэлбэлздэг гэнэ.

Улаан толгойтнуудын наадам 2005 онд санамсаргүй тохиолдлоор үүсэн бий болж байжээ.

Тухайн үед зураач Барт Роувенхорст орон нутгийн сонинд улаан үстэй 15 модель авч ажиллуулах зар гаргахад 150 хүн бүртгүүлсэн байна.

Өөрөө улаан үсгүй Роувенхорст бүртгүүлсэн бүх хүмүүстэй хамт бөөндөө зургаа авхуулсан нь олны анхаарлыг ихээр татсан тул уг цугларалтаа жил тутмын арга хэмжээ болгохоор шийдэж байжээ.

2013 оны энэ наадмын үеэр уламжлалын дагуу бөөндөө зураг авхуулахад төрөлхийн улаан үстэй 1,672 хүн оролцсон нь Гиннесийн дэлхийн дээд амжилтын номд бүртгэгдсэн байна.