Хан Тайшир уулын аймаг байгуулагдсаны 100 жилийн ой өнөө жил тохиож буй. Түүнчлэн Говь-Алтай аймгийн тэгш ойн баяр наадмын хүчит бөхийн барилдаанд улс, аймгийн цолтой 256 бөх зодоглосон байна. Үндэсний бөхийн барилдаанд Говь-Алтай аймгийн Жаргалан сумын уугуул, Ховд аймгийн Буянт сумын харьяат, улсын аварга О.Хангай түрүүлж, Ховд аймгийн Зэрэг сумын харьяат, улсын заан Б.Бат-Өлзий үзүүрлэжээ. Долоогийн даваанд улсын заан Д.Анар, улсын харцага Б.Цэдэнсодном нар өвдөг шороодож, аварга О.Хангай, заан Б.Бат-Өлзий нар үзүүр түрүүнд тунаж үлдсэн байна.
