2025 онд дэлхий нийтийн техник технологийн хөгжлийн үр дүнд бий болсон бидний өдөр тутамдаа ашигладаг төхөөрөмжүүдийн анхдагч хувилбар тэдгээрийн хүчин чадал, хөгжил хувьслын үйл явцын талаар дараах нийтлэлийг хүргэж байна.

1. Artari/Playstation

Атариг нь 1977 онд гарсан анхны алдартай тоглоомын төхөөрөмжүүдийн нэг гэж хэлж болно. Энэ нь бидний мэддэг кассетыг уншдаг төхөөрөмж шиг ашиглаад янз бүрийн тоглоом тоглох боломжтой байсан бөгөөд “Space Invaders” ба “Pac-Man” зэрэг алдартай тоглоомуудыг танилцуулснаараа алдартай. Цаг хугацаа өнгөрөх тусам Атариг илүү сайжирсан график, сонирхолтой тоглоомууд болон өргөн сонголттой номын сантай Nintendo Entertainment System (NES) гэх мэт төхөөрөмжүүд гүйцэж эхэлсэн. Үүний дараа Sega Genesis болон дараагийн үеийн төхөөрөмжүүд гарч ирж, илүү сайжирсан график, нарийн төвөгтэй тоглоомуудаар хөгжиж одоог хүрсэн юм. 2025 онд PlayStation 5, Xbox Series X, Nintendo Switch зэрэг орчин үеийн төхөөрөмжүүд 1977 оны Атаригийн өнөөгийн хувилбар хэмээн үзэж болно.

2. Шатахуун хэрэглэдэг машин / Цахилгаан машин

Шатахуун, спирт эсвэл дизель түлшээр ажилладаг машинууд нь автомашины салбарт зуун гаруй жилийн турш зонхилж ирсэн. Эдгээр машин нь дотоод шаталтын хөдөлгүүрт түлш шатааж, үүссэн эрчим хүчээрээ хөдөлдөг. Хэдий үр ашигтай ч гэсэн эдгээр машинууд агаарыг бохирдуулах хүчин зүйл болдог учир байгаль орчинд үзүүлэх нөлөөлөл, тогтвортой хөгжлийн талаар маргаан ихэссээр байгаа. Сүүлийн жилүүдэд цахилгаан машин нь шатахуун хэрэглэдэг машинуудыг орлох гол сонголт болж, илүү тогтвортой, хэмнэлттэй хувилбар болж байна. BMW, Porsche, BYD, Mercedes-Benz, Chevrolet болон Volvo зэрэг брэндүүд аль хэдийн урт зам туулах чадвартай загваруудыг гаргасан нь технологийн хөгжлийг харуулж, цахилгаан машины хэрэглээ нэмэгдэж буйг илтгэнэ.Мөн түүнчлэн, хурдан цэнэглэх технологи болон илүү удаан ажиллах батарей зэрэг шинэчлэлүүд нь цахилгаан машиныг өдөр тутмын хэрэглээнд улам бүр тохиромжтой, үр ашигтай болгож байна.
Цахилгаан машины хэрэглээгээр Европ тив дэлхийд тэргүүлдэг. Мөн Норвеги улс цахилгаан автомашины хэрэглээгээр дэлхийд тэргүүлдэг бөгөөд шинэ автомашины борлуулалтын ихэнх хувийг цахилгаан машин эзэлдэг. Норвегт татварын хөнгөлөлт, үнэ төлбөргүй нийтийн цэнэглэгч станцууд, тусгай замын эрх зэрэг урамшууллууд цахилгаан машины хэрэглээг хурдацтай өсгөхөд ихээхэн нөлөөлсөн юм. Харин манай улсад 2024 оны байдлаар цахилгаан машины тоо өсөх хандлагатай байгаа бөгөөд ойролцоогоор 3,000-4,000 орчим цахилгаан машин бүртгэлтэй байна. Сүүлийн жилүүдэд шатахууны үнэ нэмэгдэж, байгаль орчны асуудал хөндөгдөх болсноор цахилгаан машин сонирхох иргэдийн тоо эрс өссөн.

3. CD, DVD болон Blu-Ray / Стриминг үйлчилгээ

CD нь 1982 онд гарч, анх дуу хадгалахад ашиглагдаж байсан боловч удахгүй өгөгдөл болон видео тоглоом хадгалахад ашиглагддаг болсон. 700 MB хадгалах хүчин чадалтай энэ формат нь дууны чанараараа алдартай болсон. DVD нь 1995 онд гарч, 4.7 GB хадгалах хүчин чадалтай болж, өндөр чанартай видео бичлэг хийх боломж олгосноор өөрийн төрлийн салбарт хувьсгал авчиржээ. Харин Blu-ray нь 2006 онд гарч, хадгалах хүчин чадлаа улам өргөжүүлж, 25 GB хүртэл хадгалах боломжтой болсон бөгөөд өндөр нягтралтай видео (HD), 4K болон бүр 3D видеог хадгалах боломжтой болж, өмнөх форматуудтай харьцуулахад илүү чанартай болсон.
Өнөө цагт энэхүү технологи нь интернэт хөгжихийн хэрээр CD, DVD, Blu-ray дискүүд нь Netflix, Amazon Prime Video, Spotify зэрэг платформуудаар орлогдсон. Эдгээр платформууд нь физик хэвлэл хэрэгсэлгүйгээр кино, цуврал, хөгжмийг санал болгож, гар утас, таблет, ухаалаг ТВ, компьютер гэх мэт төхөөрөмжүүдээр шууд хандах боломж олгодог болсон.

3. Pager / Мессэж ийн төрөл бүрийн хэлбэрүүд

1980-90-ээд оны үед маш их алдартай байсан пейжер буюу "бипер" нь богино мессеж хүлээн авахад ашиглагддаг зөөврийн төхөөрөмж байжээ. Энэ нь маш энгийн аргаар ажилладаг байсан. Дуудлага хүлээн авбал мессеж илгээх төв нь төхөөрөмжид кодчилсон мессежийг илгээж, төхөөрөмж нь дуугаар сануулах эсвэл чичрэх замаар хэрэглэгчид мэдэгддэг. Илүү хөгжсөн загварууд нь шууд текст мессеж хүлээн авах боломжийг ч олгодог байв.

Технологийн хөгжилтэй хамт пейжерүүд аажмаар гар утсаар орлогдсон бөгөөд гар утас нь SMS-ийн тусламжтайгаар текст мессеж илгээх боломжийг олгосон. Гэвч гар утасны интернэтийн түгээмэл хэрэглээтэй болсноор, SMS нь WhatsApp, Telegram болон бусад шууд мессеж илгээх аппликейшнүүдэд орлогдож, эдгээр аппликейшнүүд нь текст, дуу, видео, мөн бусад олон функцээр дамжуулан бодит цагийн харилцаа холбоог санал болгож байна.

4. Гар утас / Ухаалаг гар утас

Эхний мобайл утаснууд маш хязгаарлагдмал үйл ажиллагаатай байсан ба зөвхөн дуудлага хийх, хүлээн авах, текст мессеж илгээх боломжтой. Дуудлагын чанар нь олон удаа тааруу байсан бөгөөд дохио авахын тулд өндөр газруудад гарч үзэх шаардлага гардаг байв.Гэвч цаг хугацаа өнгөрөх тусам гар утаснууд нь жижиг, хөнгөн, илүү олон боломжтой болсон. Эхлээд өнгөт дэлгэцтэй, полифоник дуу хоолой, илүү эргономик товчлууртай гар утаснууд гарч, дараа нь анхны камер болон интернэтэд холбогддог загварууд гарав. Гэхдээ жинхэнэ хувьсгал нь 2007 онд анхны iPhone гарснаар эхэлсэн. Түүний олон товчлууртай дэлгэц, шинэ загвар, App Store нь аппликейшнүүдийн экосистемийг бий болгосноор зах зээлийг дахин тодорхойлсон гэж үздэг байна.

Түүнээс хойш ухаалаг утаснууд дуудлага хийх, интернэт ашиглах, зураг авах, хөгжмийн сонсох, аппликейшнүүд ашиглах зэрэг олон төрлийн функцүүдийг нэг төхөөрөмжид багтааж чадсан. Мөн эдгээр утаснууд хүрэх дэлгэц, 4G болон 5G холболт, үүл хадгалалт зэрэг олон шинэлэг боломжуудыг агуулж байна. Гар утас бидний өдөр тутмын амьдралын олон талаар хөнгөвчлөхөөс гадна хуучны олон төхөөрөмжүүдийг өөртөө багтаасан хувилбар юм. Видео тоглоом, видео стриминг үйлчилгээнээс эхлээд кассет, хөгжим, ном, зургийн аппарат, цаг, pager, FM зэрэг олон төхөөрөмжүүдийг нэг дор багтаан бидний хэрэглээг хангаж байна.