Хөвсгөл аймгийн Алаг-Эрдэнэ сумын төвд өчигдөр 4.2 магнитудын хүчтэй газар хөдлөлт болж, улмаар цэцэрлэгийн хоёр давхар угсармал блокон байшингийн 1, 2 дугаар давхрын хана болон цонхонд цууралт өгсөн байна.

Энэ талаар онцгой байдлын газрын мэдээлснээр газар хөдлөлт аймгийн төвөөс зүүн хойд зүгт 51 км-т өдрийн 2:31:31 секундэд бүртгэгджээ. Холбогдох байгууллагуудаас ажлын хэсэг байгуулан тус сумын төрийн өмчийн албан газруудад хяналт шалгалт хийхэд тус цэцэрлэг болон сумын Соёлын төвийн барилгын үндсэн хийц бүтцэд өөрчлөлт байхгүй, хялгасан хагарал үүссэн гэсэн дүгнэлт гарсан байна.