Урин дулаан цаг ирж байгаатай холбоотой гол мөрний ай сав газраар шар усны үер бууж болзошгүй байна. Ойрын өдрүүдэд ихэнх нутгаар дулаарч байгаа тул иргэдийг хаврын шар усны үерээс болгоомжлохыг ус цаг уурын байгууллагаас сэрэмжлүүлэв.

Мөн өвөлжилт хүндэрсэн газруудын гуу жалганд хаягдсан мал амьтны сэг зэм нь цасны усаар дамжин ус бохирдуулах болон өвчин эмгэг тараах аюултай тул холбогдох байгууллагаас зохих арга хэмжээг цаг алдалгүй авч цэвэрлэгээ устгал хийхийг зөвлөлөө.