Маргаашаас эхлэн нийтийн тээврийн үйлчилгээний шинэ тариф мөрдөгдөж эхлэх болсон талаар Нийтийн тээврийн бодлогын газраас мэдээлэл өглөө. Тус газрын Захиргаа, удирдлагын хэлтсийн дарга З.Цэвээндорж хэлэхдээ "Иргэд 1000 төгрөг төлөөд өдөрт дөрвөн удаа зорчихдоо тодорхой журам, нөхцөлтэй.

Өөрөөр хэлбэл, зөвхөн U-Money болон U-Money, арилжааны банкны хамтарсан карт уншуулж буй тохиолдолд энэхүү дамжин суулт хүчинтэй. Харин бэлэн мөнгөөр болон зөвхөн банкны зориулалттай картаар зорчиж байгаа тохиолдолд дамжин суулт үйлчлэхгүй бөгөөд суух бүрдээ 1000 төгрөг төлнө" гэсэн юм.