Сүлжээ дэлгүүрт танхайрсан иргэнийг цагдаагийн байгууллагаас илрүүлэн шалгалтын ажиллагаа явуулж байна. Тодруулбал, өнгөрсөн шөнө энэ сарын 14-нд шилжих 00:09 цагийн орчимд "Баянзүрх дүүргийн 41 дүгээр хороо, кино үйлдвэрийн автобусны буудлын хажуугийн сүлжээ дэлгүүр дотор согтуу хүн агсам тавиад байна” гэх дуудлага мэдээлэл бүртгэгдсэн байна. Энэ дагуу цагдаагийн байгууллагаас нэр бүхий иргэний танхайрах болон бусдын эд хөрөнгө устгах, гэмтээх зэрэг үйлдлүүдэд холбогдох шалгалтын ажиллагааг явуулж байгаа юм.