"Squid game" 2 цуврал нээлтээ хийсэн эхний долоо хоногтоо хамгийн өндөр хандалт авсан гадаад хэл дээрх 10 телевизийн шоуны нэгт бичигдэж буй амжилт ба өмнөх улирлын амжилтаа 18 сая хандалтаар ахиулж дэлхийн 92 оронд үзэлтээрээ тэргүүлээд байна. Мөн тус кино нь гадаад хэл дээрх шилдэг 10 киноны 7-д бичигдэж эхэлжээ. Тус жагсаалтыг "Squid Game" киноны эхний бүлэг тэргүүлдэг байна. Энэхүү цувралын 2 дугаар бүлгийн тухай сонирхолтой баримтуудыг хүргэж байна.

1. "SQUID GAME" кино Японы комикоос сэдэвлэсэн.

Олон нитийн сүлжээнд тус цувралыг бодит амьдралаас сэдэвлэсэн бүтээсэн хэмээх мэдээлэл нэлээдгүй газар авсан. Найруулагч Хван Дун Хюк энэхүү мэдээллийг үгүйсгэж Battle Royale, Liar Game зэрэг Япон улсын комикоос сэдэвлэн бүтээсэн гэсэн тайлбар хийжээ. Энэхүү комик нь оролцогчид нэг нэгэнтэйгээ өрсөлддөг ба тухайн өрсөлдөөний тоглоом илүү хатуу ширүүн уур амьсгалтай бол Squid Game цуврал илүү энгийн бөгөөд бодит тоглоомоор солин хийсэн хэмээн мэдэгдсэн байна.

Тэрээр энэхүү киноны зохиолыг бичихдээ нийгмийн олон давхаргын хүмүүсийн хоорондын ялгаа болон олон төрлийн хүмүүсийг нэг дор үзэгчдэд харуулахыг зорьсон ба нэгдүгээр бүлэгт олон орны жүжигчид буюу Ази, Европ зэрэг гадаад жүжигчдийг оролцуулсан бол хоёрдугаар бүлэгт трансжендэр, эх хүү, жирэмсэн эмэгтэй зэрэг дүрүүдийг гаргасан нь энэхүү киног илүү утга учиртай болгожээ.

2. Netflix санамсаргүйгээр 3-р бүлгийн товыг зарлажээ.

Netflix өөрийн Youtube хуудас дээр Squid Game цувралын 3 дугаар бүлгийн сурталчилгааг байршуулахдаа санамсаргүйгээр 2025 оны 6-р сарын 27-ны өдөр хэмээн тайлбар хэсэгтээ бичин оруулсан хэдий ч буцаан устгасан юм. Энэ талаар Netflix ямар нэгэн албан ёсны мэдэгдэл хийгээгүй хэдий ч үзэгчид дараагийн бүлгийг өмнөх шиг 3 жилийн хугацаанд бус хавьгүй бага хугацаанд хүлээх болсондоо баяртай байгаа талаараа олон нийтийн сүлжээнд бичиж эхэлжээ.

3. T.O.P Энэхүү цувралд дүр бүтээхдээ ямарваа нэгэн хөлс аваагүй гэсэн шуум таржээ.

Big Bang хамтлагийн T.O.P нь хар тамхины хэргээр 2017 онд 10 сарын хорих ял эдлээд эргэн ирэлтээ Squid Game 2 цувралаар зарласан. T.O.P тус цувралд крипто валютын луйврын золиос болсон 230 лугаартай оролцогч Танос хэмээх репперийн дүрд тоглосон. Энэхүү дүр нь хар тамхинд донтсон репперийн дүр бөгөөд энэ байдал олон нийтийн дунд хар тамхийг сурталчилсан хэмээх шүүмжлэлийг ихээхэн дагуулаад байгаа билээ. T.O.P өөрийн нэр хүндийг сэргээж шоу ертөнцөд эргэн ирэхийн тулд энэхүү цувралд ямар ч хөлсгүйгээр тоглосон гэсэн цуурхал тараад байгаа юм.

4. Залуу жүжигчин Жо Юу Ри олны анхаарлыг татав.

Залуухан жирэмсэн эмэгтэй дүр болох 222 дугаартай Ким Жун Хигийн дүрд тоглосон жүжигчин Жо Юу Ри нь К-поп охидын IZ ONE хамтлагийн гишүүн байсан бөгөөд хамгийн анх 2022 онд Mimicus өсвөр насны веб драмд тоглож анхны дүрээ бүтээж байжээ. Тэрээр тус цувралд жирэмсэн хэр нь даалгавар бүрийг хичээнгүйлэн хийж байгаа дүр төрх, эмэгтэйлэг байдлаараа олны анхаарлыг татсан. Тэгвэл түүний дараагийн бүтээл нь "Veriety" хэмээх триллер төрлийн киноны гол дүрийг бүтээхээр болжээ.

5. Squid Game 3-р бүлгийн сэжүүр өмнөх бүлэгтэй адил ханан дээр

Өмнөх бүлэгт бидний анзаарсан зүйл бол оролцогчдын унтдаг хэсгийн арын хананы зураг бүр тухайн тэмцээнд болох өрсөлдөөнт тоглоомуудыг өгүүлсэн байсан. 2 дугаар бүлэгт ч мөн адил тэрхүү ханын зурагуудад янз бүрийн зураг байхаас үг үсэг байгаа нь үзэгчид 3 дугаар бүлэгт эдгээр зүйлсийн учир тайлагдана гэсэн хүлээлттэй байна.

6. Янг Хи улирал бүрд өөр өөр байна.

Эхний бүлэгт тус хүүхэлдэйг зөөлөн дугуй царайтай, тод хувцастай байгаа нь ямарваа нэгэн айдасгүй зөөлөн дүр төртэй байсан бол хоёрдугаар бүлэгт илүү ширүүн дүр төрхтэй байгаа нь ажиглагдаж байна. Үүнээс гадна дараагийн бүлэгт тус хүүхэлдэй найз залуутай болж Чол Сутай хамт 2 болж тоглоомыг улам хатуухан болгоно гэсэн хүлээлт олон нийтийн дунд хэлэлцүүлэг болон өрнөж байна.