Хэнтий аймагт авто осол гарч 40 эрэгтэй автомашины төмөр хийцэд хавчуулагдсан байсныг эсэн мэнд гаргаж эмнэлгийн тусламж үзүүлжээ. Тодруулбал, Цэнхэрмандал сумын Согоот багийн Устын хоолой гэх газарт хоёр автомашин мөргөлдсөн тухай дуудлага өчигдөр 17.05 цагт бүртгэгдсэн байна. Энэ дагуу Багануур дүүргийн Онцгой байдлын хэлтсийн 64 дүгээр ангийн алба хаагчдыг очиход "Sonata" загварын автомашин, "Land Cruiser Prado" загварын автомашин хоорондоо мөргөлдсөн байжээ. Гэмтсэн жолоочийг дүүргийн ЯТТ-ийн их эмчид хүлээлгэн өгсөн байна.