Хан-Уул дүүргийн 22 дугаар хороонд байрлах Зайсангийн хуучин гүүр нь 1968 онд, одоогоос 56 жилийн өмнө баригдаж ашиглалтад орсон. Үүнээс хойш засвар үйлчилгээ, шинэчлэлт огт хийгдээгүй, ашиглалтын хугацаа дууссан, нурж магадгүй гэсэн мэргэжлийн байгууллагын дүгнэлт гарсан. Тиймээс Зайсангийн хуучин гүүрийг 2025 онд буулгаж шинээр барих ажил хийгдэнэ. Үүнээс өмнө өнөөдрөөс эхлэн 12 дугаар сарын 1-ны өдөр хүртэл Зайсангийн хуучин гүүр буюу зүүн талын гүүрний хөдөлгөөнийг хааж, Зайсангийн иргэдийн хэрэглэж байгаа бохир усны шугамыг шинэ татсан шугамтай холбох ажлыг хийж эхэлнэ.
Мөн 2025 оны хоёрдугаар сараас долдугаар сар хүртэл таван сарын хугацаанд хуучин гүүрийг буулгаж шинээр барих ажил хийгдэх аж.