Улсын арслан Э.Оюунболд нь энэ сарын 10-ны өдөр согтуугаар тээврийн хэрэгсэл жолоодож, бусдын биед халдсан бөгөөд тус хэрэгт холбогдсон. Тэгвэл энэ хэргийн Цагдаагийн байгууллагаас шалгаж Э.Оюунболдод зохих хуулийн дагуу хариуцлага тооцжээ.
Зөрчлийн тухай хуулийн 14.5.1 дэх хэсэгт "Согтуурсан, мансуурсан үедээ тээврийн хэрэгсэл жолоодсон бол тээврийн хэрэгсэл жолоодох эрхийг нэг жилийн хугацаагаар хасаж дөрвөн зуун нэгжтэй тэнцэх хэмжээний төгрөгөөр торгох, эсхүл долоогоос гуч хоногийн хугацаагаар баривчлах шийтгэл оногдуулна" гэж заажээ.
Түүнийг согтуудаа тээврийн хэрэгсэл жолоодсон буруутай үйлдэлд нь цагдаагийн байгууллага Зөрчлийн тухай хуулийн дагуу жолоодох эрхийг 1 жилээр хасаж, 400 мянган төгрөгөөр торгох арга хэмжээ авсан байна. Мөн хүний биед халдсан гэх үйлдлийг шалгаж дуусаагүй байна.
