Улаанбаатар хотод 2023 оны 12-р сарын 11-ний байдлаар хүнсний гол нэрийн барааны дундаж үнэ өмнөх сараас 0.4 хувь, өмнөх 7 хоногоос 0.4 хувиар тус тус өссөн байна.
Тодруулбал, хамгийн их өссөн үнийн дүнтэй нь дээдийн дээд, савласан гурил бөгөөд кг нь 272 төгрөгөөр нэмэгджээ. Үүний дараа үхрийн цул мах 184 төгрөгөөр өссөн үнийн дүнтэй байна. Харин ургамлын тос хамгийн их буурсан үнийн дүнтэй буюу өмнөх сард худалдаалж байсан үнээс 105 төгрөг буурчээ.
