Дөрвөн жилийн өмнө Вьетнамын Ха Тин мужид +43.4 градус хүрч байв. Харин өчигдөр тус улсын Тан Хоа мужид агаарын температур +44.1 гхадус хүрч, халжээ. Дэлхийн уур амьсгалын өөрчлөлтийн улмаас цаашдаа агаарын халалтын дээд түвшин үргэлжлэх төлөвтэй байгааг мэргэжилтнүүд анхааруулсаар байна.

Түүнчлэн сүүлийн өдрүүдэд Вьетнамаас гадна зүүн өмнөд Азийн бусад улс орнуудад агаарын хэт халалт бүртгэгдсээр буй. Тухайлбал, Тайланд улсын баруун бүсийн Мак мужид агаарын температур +44.6 хүрч халсан бол Мьянмар улсын зүүн бүсийн жижиг тосгонд +43.8 градусд хүрчээ. Эдгээр улсуудад борооны улирлын өмнө хэт халалт ажиглагддаг ч ингэж халж байгаагүй аж. Дэлхийн ихэнх улс орнууд дулаарлыг аж үйлдвэржилт эхлэх үеийн дунджаас 1.5 градусаас илүү өсгөхгүй байхаар тохирсон боловч энэ оны гуравдугаар сард уг өсөлт 1.1 градусыг давсан байна.

Агаарын хэт халалт энэ хэвээр үргэлжилбэл 1.5 градусын өсөлтөд 2030-аад оны үед хүрэх төлөвтэй байна.