NBA-ийн шинэ улирал энэ сарын 25-нд эхлэх билээ. Тэгвэл үүнтэй холбогдуулан энэ зуны "offseason" буюу амралтын үеэр солилцоонд орсон хамгийн том 10 тоглогчийг танилцуулж байна.
Энэхүү жагсаалтыг хувь тоглогчийн ур чадвар, багт үзүүлэх үүрэг, нөлөө гэх мэт хүчин зүйлсийг харгалцан үзэж гаргасан болно.
10. Патти Миллс
Сан Антонио Спөрс багт 10 жил хүчин зүтгэж байсан тэрээр өнгөрсөн хоёр улирлыг Брүүклин Нэтс багийн өмсгөлтэй өнгөрүүлсэн юм. Тэгвэл Нэтс түүнийг өнгөрсөн зун Хьюстон Рокетс руу явуулжээ. Харин Рокетс удалгүй Оклахома Сити Тандер баг руу явуулж, Тандер ч удалгүй Атланта Хокс багтай солилцоо хийснээр эцэст нь Хоксын сэлгээнээс гарч тоглох боломжтой болсон юм.
9.Кристапс Порзингис
Гэмтлээс болоод карьер нь унаад байсан Порзингис өнгөрсөн улирал Вашингтон Уизардс багийн бүрэлдэхүүнд тоглохдоо карьерынхаа хамгийн өндөр оноог дунджилсан юм. Гэвч өнгөрсөн зургадугаар сард баг нь түүнийг гурван баг оролцсон солилцоонд оруулан Бостон Селтикс руу явуулсан юм.
8.Маркус Смарт
Бостон Селтикс баг 2014 оноос хойш багтаа хүчин зүтгэж байсан хамгаалалтын ноён нуруугаа өнгөрсөн зун солилцоонд оруулсан юм.Солилцоогоор авсан баг нь Мэмфис Гриззлис юм. Цаасан дээр бичигддэггүй ч талбай дээр мэдрэгддэг түүний үр нөлөө Гриззлис багт том тус хүргэх биз ээ.
7. Жордан Пүүл
Эхний улиралдаа 8.8 оноо дунджилж байсан Пүүл өнгөрсөн улиралд 20.4 оноо дундажлах хүртлээ өсөж, сайжирсан юм. Гэвч багийнхантайгаа тааруу харилцаатай байсны үндсэн дээр Уарриорс түүнийг солилцоонд оруулж Вашингтон Уизардс руу явуулсан юм.
6. Жон Коллинс
Жон Коллинс нь NBA-д орсон цагаасаа хойш зургаан жил дараалан Атланта Хокс багт тоглосон билээ. Гэвч баг нь түүнийг өнгөрсөн зун солилцоонд оруулж Юта Жазз руу явуулсан юм.
5. ДэАндрэ Эйтон
2018 оны драфтын тэргүүн сонголт ДэАндрэ Эйтон Финикс Санс багтай удаан үргэлжилсэн асуудал үл ойлголцлын эцэст солигдох хүсэлтээ өгч шинэ багтаа элсжээ. Түүний шинэ баг нь Портлэнд Трэйл Блэйзерс юм.
4.Жрү Холидэй
2020 онд Милоуки Бакс багийн хамтаар NBA-ын аварга болж байсан залуу хуучин багийнхаа гол өрсөлдөгч багт нэгджээ. Портлэнд Трэйл Блэйзерс баг түүнийг хэдхэн хоногийн өмнө Бостон Селтикс руу явуулсан юм.
3.Крис Пол
Бүх цаг үеийн хамгийн шилдэг холбон тоглогчдын нэг Крис Пол үргэлж өрсөлдөгчийн нүдээр харж ирсэн багтайгаа нэгдэж нэг зорилгын төлөө явахаар болсон билээ. Карьертаа сэлгээнээс тоглож үзээгүй тэрээр Уарриорсын сэлгээнээс тоглох магадлалтай байгаа юм.
2. Брэдли Бийл
Лигийн онооны машинуудын нэг Брэдли Бийл өөр нэг онооны машин болох Кевин Дуранттай нэгдэж довтолгооны супер хосол бий болгосон билээ. Одоогоор энэ баг нь өрнөд бүсийн хамгийн хүчирхэг баг гэж тооцогдож байгаа юм.
1. Дэмиан Лиллард
Милоуки Бакс багийн Дэмиан Лиллардыг эгнээндээ нэгтгэсэн энэ солилцоо нь амралтын үеийн хамгийн том солилцоонд гарцаагүй тооцогдоно. Хоёр супер од нэгдсэнээр Милоуки Бакс аваргын өрсөлдөөнд хүчтэй орж ирсэн юм.
