• Тэрбээр skateboard-ын төрөлд алтан медаль хүртэв
• Уг төрөл нь анх 2014 онд Жакартагийн Азийн наадамд нэвтэрч байжээ
• Мөнгөн медалийг хятад, хүрэл медалийг японы тамирчин хүртсэн

БНХАУ-ын тамирчин, 13 настай Куи Ченси Азийн наадмаас skateboard буюу тавцант тэшүүрийн төрөлд алтан медаль хүртжээ. Тэрбээр тус наадмаас алтан медаль авсан хятадын хамгийн залуу тамирчин болж байна.

Ченси гурван настайгаасаа рольк унаж эхэлсэн бөгөөд ковидын цар тахлын үеэр тавцант тэшүүрийг сонирхож, хичээллэж эхэлсэн аж. Охин ердөө нэг жилийн дотор мэргэжлийн түвшний тэмцээнүүдэд оролцож эхэлсэн гэв.
Ханжоу Азийн наадамд оролцож буй Хятадын шигшээ багийн хамгийн залуу тамирчин бол Куи Ченси юм. Тэрбээр тэмцээний үеэр өндөрлөг газраас гайхалтай газардсан бөгөөд бусад оролцогч уг үйлдлийг хийхээс зайлсхийсэн тухай Ройтерс агентлаг мэдээлжээ.

Охин “Энэ бол ердөө эхлэл. Цаашид улам хичээж, Парисын олимпод оролцохын төлөө зүтгэх ёстой” гэв. Тавцант тэшүүрийн төрөлд хоёрдугаар байранд 18 настай хятад тамирчин Зэн Вэньхуй орсон бол хүрэл медалийг Японы тамирчин Ито Мию хүртсэн юм.

Тавцант тэшүүрийн төрлийг 2014 оны Жакарта дахь Азийн наадамд анх оруулж байв.

Эх сурвалж: CNN