Энэхүү жагсаалтын хувьд бид ихэнх хүмүүсийн харж, сонсож байгаагүй бүр байдаг гэдгийг ч мэддэггүй том, жижиг өвөрмөц, сонирхолтой 10 амьтныг оруулсан.

10: Snub-Nosed Monkey - Хонхор хамартай сармагчин

Энэ бүлгийн сармагчнууд нь нэрэндээ тохирсон жижиг, ангархай хамартай бөгөөд улбар шараас хар хүртэл олон өнгийн үстэй байдаг. Тэдний том соёо нь махчин амьтан шиг харагдуулдаг ч үнэндээ тэд ургамал, жимс жимсгэнэ дээр суурилан хооллодог. Зүүн Азийн уулархаг ойд ихэвчлэн олддог хонхор хамартай сармагчнууд нь хүний үйлдлээс болж устаж үгүй болох аюулд өртөж буй амьтан юм.

9: Lowland Streaked Tenrec - Судалтай Тенрек

Дөнгөж 5,5 инч урттай энэ бяцхан амьтан Мадагаскарын халуун орны ширэнгэн ойд байдаг юм. Харж байгаачлан урт үзүүртэй хоншоор, тод өнгийн судал нь тэдгээрийг зараанаас ялгаруулж байгаа юм. Тэд энэ бүх өргөсөө хооронд нь үрж өндөр давтамжийн дуу чимээ гаргаж хоорондоо холбоо барих эсвэл махчин амьтдаас сэргийлдэг байна.

8: Gharial - Гариал

Гариалууд бол хуурай газар сайн амьдарч чаддаггүй, ихэвчлэн загасны хоолоор амьдардаг тул бүх матрын төрлийн дунд хамгийн их усанд амьдардаг нь юм. Энэтхэгийн хойгоос гаралтай Гариалууд нь тэр бүс нутагт түгээмэл хэрэглэгддэг шавар савны нэрээр нэрлэгдсэн байдаг.

7: Gerenuk - Геренук

Зүүн Африкт амьдардаг геренук нь хойд хөл дээрээ босох ер бусын чадвартай тул бусад ижил хэмжээтэй өвсөн тэжээлт амьтдад хүрэх боломжгүй хоол хүнсэнд илүү сайн хүрэх боломжийг тэдэнд олгодог байна. Гэрэнук нь хүзүү, хооллох чадвараасаа гадна нуруундаа эмээлтэй төстэй улаан үслэг хээтэй юм.

6: Okapi - Окапи

Энэхүү ховор амьтныг зэрлэг байгальд олоход маш хэцүү тул түүний хоч нь "Африкийн ганц эвэрт" юм. Окапигийн хамгийн хачирхалтай шинж чанар нь түүний хэл бөгөөд хэл нь 30см урт ургадаг байна.

5: Spiny Orb-Weaver Spider

Аалзны энэ төрөл нь дугуй хэлбэртэй тор нэхэж, хавтгай, хавч шиг хэвлийн нуруутай, ихэвчлэн тод өнгөтэй байдаг. Энэхүү аалз нь аюултай харагдаж байж болох ч үнэндээ хүнд хор хөнөөлгүй байдаг байна.

4: Markhor - Мархор

Энэ том, зэрлэг ямаа нь Төв Азиас гаралтай бөгөөд Пакистаны албан ёсны амьтан юм. Мархор гэх нэр нь "могой идэгч" гэсэн утгатай перс хэл юм. Хүйсийн ялгааны хувьд эр Мархор нь урт, сэгсгэр дэлтэй бөгөөд нэлээд хурц үнэртэй байдаг.

3: Pangolin - Панголин

Урт хоншоор, хайрслаг биеэрээ онцгойрдог энэ хөхтөн амьтан нь дэлхийн хамгийн хүнд худалдаалагддаг амьтадын нэг юм. Тэдний мах, хайрсыг худалдаалах нь чамин амьтны худалдааны нэлээд хэсгийг эзэлдэг байна.

2: Blue Glaucus - Цэнхэр глаукус

Энэ хачирхалтай амьтныг хөх луу, хөх сахиусан тэнгэр, далайн хараацай, хөх далайн лаг гэж олон янзаар нэрлэдэг бөгөөд тэд дэлхийн өнцөг булан бүр дэх далайд байдаг байна. Мөн энэ амьтан нь амьдралынхаа ихэнх цагаа гадаргуу дээр хөвж өнгөрөөдөг бөгөөд тэдний энэ хөх өнгө нь өнгөлөн далдлах үүрэг гүйцэтгэдэг байна.

1: Pink Fairy Armadillo - Ягаан дагина Армадилло

Цагаан үс, ягаан бүрхүүлтэй эдгээр суши шиг харагддаг амьтан нь Аргентинаас гаралтай юм. Мөн тэд том сарвуугаараа ихэнх цагаа газар нүхлэн, хоол тэжээлийн гол эх үүсвэр болох шавж болон бусад хорхойнуудыг хайж өнгөрөөдөг байна.