Боловсрол, шинжлэх ухааны сайд Л.Энх-Амгалан хичээлийн шинэ жилийн баярын мэндчилгээний постертоо үе үеийн сурагчдын дүрэмт хувцастай хүүхдүүдийн хамт авахуулсан зургаа нийтэлсэн нь олныг талцуулж байна.

Тэгвэл уг постерын талаар Ерөнхий сайд асан С.Баяр шүүмжтэй хандаж буйгаа илэрхийлсэн байна. Тэрбээр "Сургалтын агуулга, хэлбэрийг шинэ цагт нийцүүлэн өөрчлөх, дэвшилт зүйл боловсролын тогтолцоонд нэвтрүүлэх гэж зүтгэж буй Энх-Амгалан сайдын ажлыг би хувьдаа дэмждэг. Харин энэ зургийг ойлгох гээд чадсангүй. Лениний сургааль, улаан бүч гм нь хуучин нийгэмийн агуулга, хэлбэр биз дээ. Ажил, пиар хоёр авцалдсангүй" гэжээ.