Хичээлийн шинэ жил эхлэж буйтай холбогдуулан The Times Higher Education сэтгүүлээс жил болгон гаргадаг их сургуулиудын эрэмбийн жагсаалтыг тэргүүлсэн 2023 оны эхний арван их сургуулиудыг хүргэж байна. Тус эрэмбийг судалгаа, төгсөгч болон суралцагчийн нөлөө, заах аргачлал гэсэн гурван шалгуураар гаргадаг.

1. Оксфордын Их Сургууль (University of Oxford)

Оксфордын Их Сургууль бол Англи улсын Оксфорд хотод байрладаг дэлхийд тэргүүлэгч судалгааны сургуулиудын нэг юм. Хэзээ байгуулагдсан нь тодорхой бус байдаг ч одоогоос 900 жилийн өмнө үйл ажиллагаа явуулж байсан баримт байдаг бөгөөд хамгийн удаан үйл ажиллагаа явуулж буй сургуулиудын эрэмбэд хоёрдугаарт жагсдаг.

2. Харвардын Их Сургууль (Harvard University)

Харвардын Их Сургууль нь дэлхийн хамгийн алдартай их сургуулиудын нэгт зүй ёсоор багтдаг. АНУ-ын Массачусеттс мужийн Кембриж хотод байрладаг. Тус сургууль нь 161 Нобелийн шагналтан, 23 төрийн тэргүүн, 132 Пулицерийн шагналтнууд төрүүлснээрээ дээд амжилт тогтоосон.

3. Кембрижийн Их Сургууль (University Of Cambridge)

Кембриж бол их сургуулийн хот гэдгээрээ алдартай. Энэ нь Лондоноос хойд зүгт 50 милийн зайд орших Кам голын зүүн Англид байрладаг. 1209 онд эрдэмтдийн холбоо үүсгэн байгуулсан Вант Улсын хамгийн баян сургууль юм.

4. Стенфордын Их Сургууль (Stanford University)

Стенфордын Их Сургууль нь хувийн өмчит судалгааны их сургууль юм. АНУ-ын Калифорни мужийн Сан-Франциско хотын өмнө байрлах Пало-Альто хотод байрладаг бөгөөд дан ганц академик бус спортын тамирчид мөн бэлтгэдэг байна.

5. Массачусетсийн Технологийн Институт (Massachusetts Institute of Technology)

Массачусетсийн Технологийн Институт нь Массачусетс мужийн Кембридж хотод байдаг судалгааны их сургууль юм. 1861 онд байгуулагдсан MIT нь орчин үеийн технологи, шинжлэх ухааны олон салбарыг хөгжүүлэхэд чухал үүрэг гүйцэтгэдэг.

6. Калифорнийн Технологийн Институт (California Institute of Technology)

Калифорнийн Технологийн Институт нь Калифорнийн Пасадена дахь хувийн судалгааны их сургууль юм. Тус их сургууль нь орчин үеийн шинжлэх ухааны олон дэвшлийг төлөөлдөг бөгөөд АНУ-д цэвэр болон хэрэглээний шинжлэх ухааныг сургах чиглэлээр ажилладаг жижиг технологийн хүрээлэнгүүдийн нэг юм.

7. Принстон Их Сургууль (Princeton University)

Принстон Их сургууль нь АНУ-ын ууган бөгөөд дэлхийд нэр хүндтэй, хувийн судалгааны Их сургуулиудын нэг юм. АНУ-ын Нью-Жерси мужийн Принстон хотод байрладаг. Тус Их сургууль нь Америкийн хувьсгалаас өмнө байгуулагдсан найман Их сургуулийн нэг юм.

8. Калифорнийн Их Сургууль (Беркли) (University Of California, Berkeley)

Беркли дэх Калифорнийн Их Сургууль бол АНУ-ын Калифорни мужийн Сан Франциско хотын ойролцоох Беркли хотод байрладаг дэлхийн нэр хүндтэй сургалт, судалгааны их сургууль юм. 1868 онд үүсгэн байгуулагдсан тус сургууль нь Калифорнийн их сургуулийн системийн ууган салбар бөгөөд Калифорни мужийн анхны Холбооны Засгийн газрын санхүүжилттэй их сургууль юм.

9. Йелийн Их Сургууль (Yale University)

Йелийн их сургууль нь Коннектикут мужийн Нью Хейвен дахь Айви Лигийн хувийн судалгааны их сургууль юм. 1701 онд үүсгэн байгуулагдсан Йел нь АНУ-ын гурав дахь хамгийн эртний дээд боловсролын байгууллага бөгөөд Америкийн хувьсгалаас өмнө колончлолын есөн коллежийн нэг юм.

10. Эзэн Хааны Коллеж (Imperial College London)

Imperial College London нь Английн Лондон хотын олон нийтийн судалгааны их сургууль юм. Шинжлэх ухаан, инженерчлэл, бизнес, анагаах ухааны чиглэлээр түлхүү үйл ажиллагаа явуулдаг.