Хятадын баруун хойд хэсгийн Сиань хотын захад аадар бороо орсны улмаас үер болж, хөрсний гулгалт үүсч, 21 хүн амиа алдаж, зургаан хүн сураггүй алга болсон тухай орон нутгийн эрх баригчид ням гарагт мэдэгдэв.

Баасан гарагт уулын бэлд болсон байгалийн гамшигт мөн 900 айлын тог тасарч, зам гүүр, харилцаа холбооны дэд бүтцэд гэмтэл учирсан гэж Сиань хотын Онцгой байдлын албанаас мэдээлэв.

Сүүлийн долоо хоногт Хятадын зарим хэсэгт дээд зэргийн өндөр температур, үхлийн аюултай үерийн гамшиг тохиолдсон бөгөөд мэргэжилтнүүд дэлхийн өнцөг булан бүрт тохиолдож буй эрс тэс уур амьсгалыг уур амьсгалын өөрчлөлттэй холбон тайлбарлаж байна.